Wednesday, August 31, 2016

വിദ്യാരാജഗോപാല യന്ത്രം: കുട്ടികളുടെ പഠന മികവിന്

വിഷ്ണു - ഗോപാല ശിവപൂജയില്‍ പ്രാവീണ്യമുള്ള കര്‍മ്മിയാകണം യന്ത്രം തയാറാക്കേണ്ടത്. അപസ്മാര രോഗത്തിന് പ്രതിവിധിയായി ഈ യന്ത്രം നിര്‍ദ്ദേശിക്കുമ്പോള്‍ രോഗി മരുന്നു കഴിക്കുന്നത് നിര്‍ത്തരുത്

മക്കള്‍ പഠിച്ചു മിടുക്കരായി നല്ല ജോലി സമ്പാദിക്കണമെന്നാണ് എല്ലാ മാതാപിതാക്കളുടേയും ആഗ്രഹം. എന്നാല്‍ പല കുട്ടികളും രക്ഷാകര്‍ത്താക്കളുടെ പ്രതീക്ഷയ്‌ക്കൊത്ത് പഠനനിലവാരം കാഴ്ചവയ്ക്കുന്നില്ല. ഉന്മേഷക്കുറവും, പുസ്തകമെടുത്താലുടന്‍ ഉറക്കം വരുന്നതുമെല്ലാം വിദ്യാര്‍ത്ഥികളുടെ പഠനത്തെ സാരമായി ബാധിക്കും.മാത്രമല്ല വിദ്യാര്‍ത്ഥിയുടെ ബുദ്ധികൂര്‍മ്മതയില്‍ അസൂയ തോന്നി മറ്റൊരാള്‍ പറയുന്ന 'നെഗറ്റീവ് എനര്‍ജി' വാക്കുകള്‍ (ശാപം, കണ്ണുവയ്ക്കല്‍) പലപ്പോഴും കുട്ടികളിലെ പഠന നിവാരണത്തിന് കാരണമാകാറുണ്ട്. വൈഷ്ണവ യന്ത്രങ്ങളില്‍ പ്രമുഖസ്ഥാനത്തുള്ള യന്ത്രമാണ് വിദ്യാരാജ ഗോപാലയന്ത്രം.

വിദ്യാരാജഗോപാലം എന്ന പേരുകൊണ്ടുതന്നെ വിദ്യയിലൂടെ രാജസമാനമായ നിലയിലേക്കുയര്‍ത്താന്‍ പ്രാപ്തിയുള്ള യന്ത്രം എന്ന് ഗ്രഹിക്കാം.

യന്ത്രങ്ങളില്‍ രാജപദവി അലങ്കരിക്കുന്ന യന്ത്രം കൂടിയാണിത്. യന്ത്രവിധികള്‍ യഥാക്രമം പാലിച്ചു തയാറാക്കുന്ന വിദ്യാരാജഗോപാല യന്ത്രംകൊണ്ട് ഉന്മേഷവും ഉത്സാഹവും കെട്ടടങ്ങി സദാ മൂകനെപ്പോലെ കാണപ്പെടുന്നവനെക്കൂടി ചുരുങ്ങിയ കാലംകൊണ്ട് ഊര്‍ജ്ജസ്വലനാക്കി മാറ്റുവാന്‍ സാധിക്കും.

പഠന വൈകല്യങ്ങള്‍ക്കും തൊഴിലന്വേഷകര്‍ക്ക് ബുദ്ധിനിലവാരം മെച്ചപ്പെടുത്തി ഏതു പരീക്ഷകളിലും അഭിമുഖങ്ങളിലും വിജയം സാധ്യമാക്കാനും ഈ യന്ത്രം മുഖേന സാധിക്കുന്നതാണ്. ഭാഗ്യവും സമ്പത്തും വര്‍ദ്ധിച്ച് രാജസമാനമായ ജീവിതപഥത്തിലേക്ക് കടക്കുവാന്‍ ഈ യന്ത്രം വളയെധികം സഹായകമാകുന്നു.

യന്ത്രപരിപാലനം ഈ വിശിഷ്ട യന്ത്രം അരയില്‍ ധരിക്കാന്‍ പാടില്ലാത്തതും നേരിട്ട് ഭൂസ്പര്‍ശം ഏല്‍ക്കാന്‍ പാടില്ലാത്തതുമാകുന്നു. ശൈവ ശാക്‌തേയ യന്ത്രങ്ങള്‍ക്കൊപ്പവും ഇതണിയാന്‍ പാടില്ല.

യന്ത്രം ധരിച്ച് ചൊല്ലേണ്ടുന്ന മന്ത്രങ്ങള്‍ പഠന വിഷമതകള്‍ മാറാന്‍: വിദ്യാരാജ ഗോപാലയന്ത്രം ധരിച്ച് പുലര്‍ച്ചേ സൂര്യോദയത്തിന് മുമ്പും അസ്തമയത്തിന് ശേഷവും 'ഓം വിദ്യാരാജഗോപാലമൂര്‍ത്തയേ സിദ്ധി ബുദ്ധി പ്രദായ' എന്ന മന്ത്രം 108 ഉരു ജപിക്കുകയും ശേഷം ജലം കുടിക്കുകയും ചെയ്യുക. പഠന വിഷമതകള്‍ അകലും.

മത്സരപരീക്ഷകളില്‍ ശോഭിക്കാന്‍: പുലര്‍ച്ചെ സൂര്യോദയ സമയത്ത് കദളിപ്പഴത്തില്‍ നെയ്യ് തൊട്ട് വലതുകൈയിലെ മോതിരവിരല്‍കൊണ്ട് പഴം സ്പര്‍ശിച്ച് 'ഓം രാജഗോപാലമൂര്‍ത്തയേ സിദ്ധിബുദ്ധിപ്രദായ' എന്ന മന്ത്രം 18 ഉരു ജപിച്ച് കദളിപ്പഴം ഭക്ഷിക്കുക. ഇത് നിത്യവും തുടര്‍ന്നാല്‍ മത്സര പരീക്ഷകളില്‍ ഉന്നതവിജയം നേടാം

അലസത അകലാന്‍ 'ഓം വിദ്യാവര്‍ദ്ധനൈ്യനമഃ' 'ഓം വിദ്യാ വിശാരദായ നമഃ' 'ഓം രാജപ്രഭായനമഃ' 'ഓം വേദരൂപായനമഃ' 'ഓം ഉത്ഘര്‍ഷേ നമഃ' വിദ്യാരാജഗോപാലയന്ത്രം ധരിച്ച് മേല്‍പ്പറഞ്ഞ മന്ത്രങ്ങള്‍ നിത്യം 18 ഉരു വീതം ജപിക്കുക. പഠനത്തിനുമേലുള്ള അലസത മാറിക്കിട്ടും.


Tuesday, August 30, 2016

ഗ്രഹപ്രീതി വരുത്തിയാന്‍ തലവേദന മാറും

ഒരിക്കലെങ്കിലും തലവേദന വരാത്തവര്ചുരുക്കമാകും. പലവിധ കാരണങ്ങള്കൊണ്ടും പല വിധത്തിലും തല വേദനിക്കാം. തലവേദന പലപ്പോഴും മറ്റു പല രോഗങ്ങളുടേയും ലക്ഷണവുമാകാം

തലവേദനയ്ക്ക് പറഞ്ഞു പഴകിയ പരിഹാര മാര്ഗങ്ങളും വളരെയേറെയുണ്ട്. എന്നാല്ജ്യോതിഷം തലവേദനയ്ക്കുള്ള ഒരു പരിഹാരമാര്ഗമാണെന്നറിയാമോ

ഒരോരുത്തര്ക്കും വരാനുള്ള രോഗങ്ങളെപ്പറ്റി ജാതകപരിശോധനയും ജനന സമയവും കൊണ്ട് അറിയുവാന്കഴിയുമത്രെ. ജാതകവശാല്ഗ്രഹങ്ങളുടെ സ്ഥാനവും രാശിയും അനുസരിച്ച് ഓരോരുത്തര്ക്കും ഓരോ സമയത്ത് ഓരോ രോഗപീഡ വരാന്സാധ്യതയുണ്ട്.

ഒരാളുടെ ശരീരപ്രകൃതിയും അസുഖം വരാനുള്ള സാധ്യതയെ കാണിക്കുന്നു. ജ്യോതിഷത്തില്ഒരോരുത്തരുടേയും ശരീരപ്രകൃതി വാതം, പിത്തം, കഫം എന്നിങ്ങനെ വേര്തിരിച്ചിട്ടുണ്ട്. ആയുര്വേദ ചികിത്സകളില്ഇത്തരം വിശദീകരണം ഉപയോഗിച്ച് മരുന്ന് നിശ്ചയിക്കാറുമുണ്ട്

സോഡിയാക് സൈനുകളും അസുഖസാധ്യതകള്വിശദീകരിക്കും. ഏരീസില്പെട്ടവര്ക്ക് തലച്ചോറ്, കണ്ണ് എന്നിവിടങ്ങളില്അസുഖസാധ്യതകള്കൂടുതലുണ്ട്. ഏരീസില്പെട്ട വ്യക്തികളുടെ ജാതകത്തില്സൂര്യ, ചന്ദ്ര ദശകളുണ്ടെങ്കില്തലവേദനക്കുള്ള സാധ്യതയും കൂടുതലാണ്. ഒന്നാം, രണ്ടാം, പന്ത്രണ്ടാം ഭാവങ്ങളില്സൂര്യപ്രീതി കുറവാണെങ്കിലും ചന്ദ്രനും ചൊവ്വയും ദുര്ബലരാണെങ്കിലും മൈഗ്രെയ്ന്വരാനുള്ള സാധ്യതയുണ്ട്. ആറാം ഭാവത്തിലും സൂര്യ-ചന്ദ്ര പ്രീതികള്കുറവാണെങ്കില്തലവേദനയുണ്ടാകും

കുലദേവതകള്കോപിച്ചാലും തലവേദനയ്ക്കുള്ള സാധ്യത കൂടുതലാണെന്നാണ് ജ്യോതിഷം പറയുന്നത്. എന്നാല്ജാതകത്തില്സൂര്യനും ചന്ദ്രനും ശക്തമായി നിലനില്ക്കുന്നുണ്ടെങ്കില്ഇതിന് പരിഹാരവുമാകും

സൂര്യനെ പ്രീതിപ്പെടുത്തുന്നത് തലവേദനയ്ക്ക് പരിഹാരമാകുമെന്നാണ് ജ്യോതിഷവിശദീകരണം. സൂര്യനമസ്കാരം ചെയ്യുകയോ ഗായത്രീമന്ത്രം 42 ദിവസം അടുപ്പിച്ച് ചൊല്ലുകയോ ചെയ്യണം

ധമ്പന്തരീ ഹോമം, ചൊവ്വാപൂജ എന്നിവ ചെയ്തും ഗ്രഹദോഷ പ്രകാരമുള്ള തലവേദന മാറ്റാനാകുമെന്നാണ് ജ്യോതിഷവിധി.



പിറന്നാള്‍ ദിനം ഇവയൊക്കെ ചെയ്താല്‍ പാപഫലം

പിറന്നാള്‍ ദിനം എല്ലാവരും ആഘോഷിക്കുന്ന ഒന്നാണ്. ചിലര്‍ ഇംഗ്ലീഷ് ജനനത്തീയ്യതി വെച്ച് ആഘോഷിക്കുമ്പോള്‍ ചിലര്‍ മലയാള മാസം ജനനത്തീയ്യതി നോക്കിയാണ് പിറന്നാള്‍ ആഘോഷിക്കുക.എന്നാല്‍ പിറന്നാള്‍ ദിനത്തില്‍ ചെയ്യാന്‍ പാടില്ലാത്തതും ചെയ്യേണ്ടതുമായ ചില കാര്യങ്ങളുണ്ട്. എന്തൊക്കെയാണ് എന്നതിനെക്കുറിച്ച് പഴമക്കാര്‍ പറഞ്ഞ് കേട്ട അറിവ് ചിലരിലെങ്കിലും ഉണ്ടാവും.

ദീര്‍ഘയാത്ര പോകുന്നത് 
പിറന്നാള്‍ ദിനത്തില്‍ ബന്ധുക്കളും സുഹൃത്തുക്കളുമായി ദീര്‍ഘയാത്രം പോണമെന്ന് ആഗ്രഹിക്കുന്നവര്‍ കുറവല്ല. എന്നാല്‍ പിറന്നാള്‍ ദിനം ഒരിക്കലും ദീര്‍ഘയാത്രയ്ക്ക് യോജിച്ചതല്ല.

എണ്ണ തേച്ച് കുളി 
എണ്ണ തേച്ച് കുളി നമ്മുടെ നാട്ടില്‍ സ്ഥിരം കാണുന്ന ഒന്നാണ്. എന്നാല്‍ ഓണം വന്നാല്‍ പോലും എണ്ണ തേച്ച് കുളിയ്ക്കാത്ത പലരും പിറന്നാള്‍ ദിനം ഇതിന് മിനക്കെടും. എന്നാല്‍ അങ്ങനെ ചെയ്യുന്നത് ആയുര്‍ദൈര്‍ഘ്യം കുറയ്ക്കും എന്നാണ് വിശ്വാസം.

മദ്യപാനം 
പിറന്നാള്‍ ദിനത്തില്‍ പലരും ഈ ശീലത്തിന് തുടക്കം കുറിയ്ക്കും. ആഘോഷം എന്നത് തന്നെയാണ് പ്രധാന കാരണം. എന്നാല്‍ മദ്യപിക്കുന്നത് പിറന്നാള്‍ ദിനത്തില്‍ നല്ലതലല്. മദ്യപാനം മാത്രമല്ല നമ്മുടെ ജീവിതത്തില്‍ ഐശ്വര്യപൂര്‍മമായ ഒരു ദിവസം ദു:ശ്ശീലങ്ങളൊന്നും നല്ലതല്ല.

പുതിയ വാഹനം വാങ്ങിയ്ക്കുന്നത് 
പലരും പിറന്നാള്‍ ദിനം നോക്കി പുതുയ വാഹനം വാങ്ങിയ്ക്കാന്‍ പദ്ധതിയിടും. എന്നാല്‍ ഇത് ഏറ്റവും മോശപ്പെട്ട കാര്യമാണ്. എന്നാല്‍ പുതിയ സംരംഭങ്ങള്‍ക്ക് പിറന്നാള്‍ ദിനം ഒട്ടും അനുയോജ്യമല്ല.

ക്ഷേത്ര ദര്‍ശനം 
പിറന്നാള്‍ ദിനം നിര്‍ബന്ധമായും ചെയ്യേണ്ട കാര്യമാണ്. ഇത്. പ്രത്യേകിച്ച് നാളും പക്കവും എല്ലാം നോക്കി പിറന്നാളാഘോഷിക്കുമ്പോള്‍ ക്ഷേത്ര ദര്‍ശനം എന്തായാലും ചെയ്യണം.

അന്നദാനം 
പിറന്നാള്‍ ദിനം മാത്രമല്ല പാവപ്പെട്ടവര്‍ക്ക് അന്നദാനം നടത്തുന്നത് നല്ലത് തന്നെയാണ്. എന്നാല്‍ പിറന്നാള്‍ ദിനം അന്നദാനം നടത്തുമ്പോള്‍ ഇതിന്റെ പുണ്യം ഇരട്ടിയാണ്.

വ്രതമെടുക്കുക 
പിറന്നാള്‍ ദിനം വ്രതമെടുക്കുന്നത് വളരെ നല്ലതാണ്. ഒരു നേരം ഭക്ഷണം കഴിയ്ക്കാതിരുന്നാല്‍ പുണ്യം ലഭിയ്ക്കും എന്നാണ് വിശ്വാസം.

Friday, August 26, 2016

തൊഴില്‍ തടസ്സം മാറാന്‍ ഹനുമത് മന്ത്രം.

വളരെക്കാലമായി ഉദ്യോഗത്തിന് വേണ്ടി ശ്രമിച്ചിട്ടും ലഭിക്കാത്ത വര്‍ക്കും, ജോലിയുള്ളവര്‍ക്ക് തൊഴില്‍സംബന്ധമായ ക്ലേശാ നുഭവങ്ങള്‍ മാറുവാനും, മത്സര പരീക്ഷകള്‍ക്കും അഭിമുഖങ്ങള്‍ ക്കും മറ്റും തയ്യാറെടുക്കുന്നവര്‍ക്ക്  വിജയം ഉറപ്പി ക്കുവാനും ഉതകുന്ന അത്ഭുത ഫലസിദ്ധിയുള്ള ഒരു ഹനുമത് മന്ത്രമാണിത്. തൊഴില്‍ ഉന്നമനത്തിനോ സ്ഥാനക്കയറ്റത്തിനോ ഒക്കെയുണ്ടാകുന്ന തടസ്സങ്ങള്‍ ഒഴിയാനും ഈ മന്ത്രജപം സഹായിക്കും.   

ഭക്തിപൂര്‍വ്വം  വിധിയാം വണ്ണം ജപിക്കുന്ന വര്‍ക്ക്  നിശ്ചയമായും ഫലസിദ്ധിയുണ്ടാകുന്നതാണ്.


മന്ത്രം

ഓം ശ്രീ വജ്രദേഹായ രാമഭക്തായ വായുപുത്രായ നമോസ്തുതേ.

ॐ श्री वज्रदेहाय रामभक्ताय वायुपुत्राय नमोस्तुते ।
Om Shree Vajradehaya Ramabhakthaya Vayuputhraya 
Namosthuthe
ഈമന്ത്രം ദിവസേന രാവിലെ 11 തവണ വീതം ജപിക്കുക.
ആദ്യമായി ജപിച്ചു തുടങ്ങേണ്ടത്  ഒരു വ്യാഴാഴ്ച ദിവസം 
ആകണം. ഹനുമത് ക്ഷേത്രത്തില്‍ വച്ചോ ഹനുമാന്‍ 
സ്വാമിയുടെ ചിത്രത്തിനു മുന്‍പിലോ വച്ച്  ജപിക്കുന്നത് കൂടുതല്‍ 
ഗുണം ചെയ്യും.

Wednesday, August 24, 2016

കുട്ടികളുടെ സ്വഭാവ മഹിമയ്ക്ക്-- അഷ്ടമിരോഹിണി ദിനത്തിൽ ചെയ്യാവുന്നത്

സന്താനഗോപാല മൂര്‍ത്തിയായ ഭഗവാന്റെ ജന്മദിവസമായ അഷ്ടമിരോഹിണി ദിവസത്തില്‍ രക്ഷിതാക്കളും കുട്ടികളും ശ്രീകൃഷ്ണ ജയന്തി വൃതം നോറ്റ്  ഈ സ്തോത്രം ജപിക്കുന്നത്‌ കുട്ടികളുടെ സ്വഭാവ മഹിമ വര്‍ദ്ധിക്കുവാനും ഓര്‍മ ശക്തി വര്‍ദ്ധിക്കുവാനും വളരെ നല്ലതാണ്.


ഓം ക്ളീം കൃഷ്ണായ ഗോപതയെ
ഹൃഷികേശായ വിശ്വായ 
വിശ്വമോഹനായ നാദായ
ബ്രഹ്മജ്ഞാന സിദ്ധിം 
കുരു കുരു ശ്രീം വിശ്വമോഹന 
ഗോപാലമൂര്‍ത്തയെ നമ:

ആരൊക്കെ വ്യാഴപ്രീതി വരുത്തണം?


നവഗ്രഹങ്ങളില്‍ ഏറ്റവുമധികം പ്രാധാന്യം കല്‍പ്പിക്കപ്പെടുന്ന ഗ്രഹമാണ് വ്യാഴം. വ്യാഴം അനുകൂലമായാല്‍ എല്ലാം അനുകൂല മായി എന്നതാണ് വിശ്വാസം. ഒരു ജാതക ത്തില്‍ ദൈവാധീനമുണ്ടോ എന്ന് ചിന്തിക്കുന്നതുപോലും വ്യാഴത്തിന്റെ സ്ഥിതിയെ ആസ്പദമാക്കിയാണ്.

ആയതിനാല്‍ വ്യാഴപ്രീതി വരുത്തുവാന്‍ എല്ലാവരും ശ്രമിക്കേണ്ടതാണ് എന്ന് ജ്യോതിഷ ഗ്രന്ഥങ്ങളില്‍ ഉപദേശിക്കുന്നു.
ഗ്രഹനിലയില്‍ വ്യാഴം ഇഷ്ട സ്ഥാനങ്ങളില്‍ ഉള്ളവര്‍ക്ക് വ്യാഴം പൊതുവേ അനുകൂല ഫലങ്ങളെ നല്‍കുന്നതാണ്. എന്നാല്‍ ചാരവശാല്‍ വ്യാഴം അനിഷ്ട ഭാവങ്ങളില്‍ സഞ്ചരിക്കുന്ന സമയം അത്തരം കൂറുകാര്‍ക്ക് താല്‍ക്കാലികമായ അനിഷ്ട ഫലങ്ങളെ നല്‍കുന്നതാണ്. ജാതക വശാലും ചാര വശാലും വ്യാഴം അനിഷ്ട സ്ഥാനത്തുള്ളവര്‍ക്ക് അത്യന്തം ഗ്രഹപ്പിഴാ കാലവും ആയിരിക്കും.
ചാരവശാല്‍ 3,6,8,12 ല്‍ വ്യാഴം  സഞ്ചരിക്കുന്നവര്‍ വ്യാഴ പ്രീതി ചെയ്യണ്ടതാവശ്യമാണ്.  


മിഥുനക്കൂറ്:  ( മകയിരം1/2,തിരുവാതിര ,പുണര്‍തം 3/4)
വ്യാഴം മൂന്നിലേക്ക്  മാറുന്നു. ഏര്‍പ്പെടുന്ന എല്ലാ കാര്യങ്ങളിലും തടസ്സങ്ങള്‍ വരാം. ചാരവശാല്‍ വ്യാഴം മൂന്നില്‍ വരുന്നത് ഒട്ടും നന്നല്ല. കുടുംബത്തില്‍ അസ്വസ്ഥതകളും ധന തടസ്സങ്ങളും ഉണ്ടാകും. രോഗദുരിതാദികള്‍ക്കും  സാധ്യതയുണ്ട്. യാത്രാദുരിതം,മനക്ലേശം ,പ്രവര്‍ത്തന മാന്ദ്യം എന്നിവയും പ്രതീക്ഷിക്കാം. ദോഷപരിഹാരാര്‍ഥം വ്യാഴാഴ്ചകളില്‍  വിഷ്ണുക്ഷേത്ര ദര്‍ശനം നടത്തി  ഭാഗ്യസൂക്താര്‍ച്ച്ചനയും നെയ്  വിളക്കും നടത്തുക. നാരായണ കവചം പതിവായി ചൊല്ലുന്നതും ദോഷ കാഠിന്യം കുറയ്ക്കാന്‍  ഉപകാരപ്പെടും.

മീനക്കൂറ് : ( പൂരൂരുട്ടാതി 1/4, ഉതൃട്ടാതി,രേവതി)
വ്യാഴം ആറിലേക്ക് മാറുന്നതിനാല്‍  സര്‍വകാര്യങ്ങളിലും പ്രതിബന്ധങ്ങള്‍  നേരിടും. നിലവിലുള്ള രോഗങ്ങള്‍  വര്‍ധിക്കും. ചികിത്സയ്ക്കായി  പണം ചിലവാക്കേണ്ടി വരും. തൊഴിലില്‍ അനുകൂലമല്ലാ ത്ത  അനുഭവങ്ങള്‍ ഉണ്ടാകും. മന സ്വസ്ഥത കുറയും. ഏറ്റെടുത്ത കാര്യങ്ങള്‍ പൂര്‍ത്തിയാകാന്‍  വിഷമിക്കും.പ്രതീക്ഷിക്കാത്ത  ദിക്കുകളില്‍ നിന്ന് പോലും എതിര്‍പ്പുകള്‍ ഉണ്ടാകും. പുതിയ സംരംഭങ്ങള്‍ തുടങ്ങാന്‍ പറ്റിയ സമയമല്ല. വ്യാഴാഴ്ചകളില്‍  വിഷ്ണു ക്ഷേത്രത്തില്‍  പാല്‍പായസം നിവേദിച്ച്  അഷ്ടോത്തര  അര്‍ച്ചന നടത്തുക. ഭാഗവതത്തിലെ  പ്രഹ്ലാദ സ്തുതി  പതിവായി പാരായണം ചെയ്യുക. നരസിംഹ  യന്ത്രം ധരിക്കുന്നത് ഗുണം ചെയ്യും .

മകരക്കൂറ് : ( ഉത്രാടം 3/4, തിരുവോണം,അവിട്ടം 1/2)
ചാരവശാല്‍ അഷ്ടമത്തില്‍  വ്യാഴം വരുന്നത് നന്നല്ല. പുതിയ സംരംഭങ്ങള്‍  തുടങ്ങാന്‍ മുതിരരുത്.തൊഴില്‍ രംഗത്തും പരാജയങ്ങള്‍ക്ക് സാധ്യതയുണ്ട്. ധന വരവ്  കുറയും. കടബാധ്യതകള്‍ വര്‍ദ്ധിക്കുവാനും സാധ്യതയുണ്ട്.കുടുംബത്തില്‍  അനിഷ്ടാനുഭവങ്ങളും  അസ്വസ്ഥതകളും ഉണ്ടായെന്നു വരാം. സാമ്പത്തക ക്രയ വിക്രയത്തില്‍  ഏര്‍പ്പെടുന്നവര്‍  ജാഗ്രത പുലര്‍ത്തിയില്ലെങ്കില്‍ ധന നഷ്ടം വരാം.വിലപ്പെട്ട വസ്തുക്കള്‍ കൈമോശം വരാനും സാധ്യതയുണ്ട്. വ്യാഴാഴ്ച വൃതം അനുഷ്ടിക്കുക. നാരായണ കവചം  പതിവായി ജപിക്കുക. രാജഗോപല യന്ത്രം ധരിക്കുന്നതും ഗുണം ചെയ്യും.

കന്നിക്കൂറ് : ( ഉത്രം 3/4, അത്തം,ചിത്തിര 1/2)
വ്യാഴം പന്ദ്രണ്ടിലേക്ക് മാറുന്നു. ഇത്  ഒട്ടും അനുകൂലമായ സ്ഥിതിയല്ല. പല കാര്യങ്ങളിലും പരാജയം നേരിടേണ്ടിവരും. ധന ക്ലേശങ്ങള്‍ ഉണ്ടാകും. ഉറ്റവരുമായി പോലും കലഹങ്ങള്‍ ഉണ്ടാകും. ധാരാളം യാത്രകള്‍ ചെയ്യേണ്ടി വരും. കര്‍മരംഗത്ത്  പ്രതിസന്ധികളെ നേരിടേണ്ടി വരും. ഗൃഹനിര്‍മ്മാണ ത്തില്‍  കാലതാമസം നേരിടും. എല്ലാ കാര്യത്തിലും തുടക്കത്തില്‍ വലിയ തടസ്സങ്ങള്‍ ഉണ്ടാകും. വിഷ്ണു സഹസ്രനാമം പതിവായി ജപിക്കുക. തടസ്സങ്ങള്‍ ഒരു വലിയ പരിധി വരെ കുറയും.


ഈ നാളുകാര്‍  പൊതുവില്‍  വ്യാഴാഴ്‌ചകളില്‍   വിഷ്ണു ക്ഷേത്ര ദര്‍ശനം നടത്തി  നെയ്യ് വിളക്ക്,  തുളസിമാല, അഷ്ടോത്തര അര്‍ച്ചന മുതലായവ നടത്തുക. നവഗ്രഹ ക്ഷേത്രത്തില്‍ വ്യാഴാഴ്ചകളില്‍  മഞ്ഞ പുഷ്പങ്ങള്‍ കൊണ്ട്  അര്‍ച്ചന നടത്തുക ,    വിഷ്ണു സഹസ്രനാമം,നാരായണ കവചം എന്നിവ ജപിക്കുക. 



സിന്ധൂനാമധിപം ഗ്രഹോത്തരഗതം ദീര്‍ഘം ചതുഷ്കോണകം 
പ്രാപ്താ മണ്ഡനമംഗിരാന്വയഭുവം ദണ്ഡം ദധാനം കരൈ:
സൌവര്‍ണ്ണ ധ്വജവസ്ത്ര ഭൂഷണ രഥച്ഛത്ര ശ്രിയാ ശോഭിതം
മേരോര്‍ ദിവ്യഗിരേ : പ്രദക്ഷിണകരം സേവാമഹേ തം ഗുരും .
ഓം ഗുരവേ നമ:

എന്ന മന്ത്രം 32 തവണ ജപിക്കുക.

ചാരവശാല്‍  വ്യാഴം   അനിഷ്ട സ്ഥാനത്ത്  വരുന്നത് കൊണ്ട് ഉണ്ടാകുന്നതായ  ദുരിതങ്ങള്‍  ഒരു വലിയ അളവില്‍  ഒഴിഞ്ഞ് പോകുന്നതാണ്.

ഏകാദശിവ്രതം

ഏകാദശിവ്രതാനുഷ്ഠാനം പൊതുവിൽ എല്ല്ലാദേവന്മാർക്കും പ്രത്യേകിച്ച് വിഷ്ണുവിനും പ്രീതികരമാണ്.ഇഹലോകസുഖവും പരലോകസുഖവും ഫലം. സൂര്യോദയത്തിന്ന് ദശമിസംബന്ധ മുള്ള ഏകാദശിയാണ്  ഭൂരിപക്ഷ ഏകാദശി. ദ്വാദശീ സംബന്ധ മായ ഏകാദശി "ആനന്ദപക്ഷം" എന്നറിയപ്പെടുന്നു. ഇവയെ പിതൃപക്ഷമെന്നും ദേവപക്ഷമെന്നും പറയാറുണ്ട്. പൈതൃക കർമ്മങ്ങൾക്ക് ദശമിസംബന്ധമുള്ള ഏകാദശിയാണ് വിശേഷം. ദ്വാദശീ സംബന്ധമുള്ളത് ദേവപ്രീതികരമായി പറയപ്പെടുന്നു.


  • നിയമങ്ങൾ
ശാല്യന്നം (അരിഭക്ഷണം) ഭക്ഷിക്കരുത്. ദശമിയും ദ്വാദശിയും ഒരിക്കലൂണ്. ഏകാദശിനൾ (ശുദ്ധോപവാസം) പൂർണ്ണ ഉപവാസം അനുഷ്ടിക്കണം. ഇങ്ങിനെ മൂന്ന് രാത്രി ഊണുപേക്ഷിക്കണം. പകലുറങ്ങരുത്. ശുദ്ധോപവാസദിവസം തുളസീതീർത്ഥം സേവിക്കാം. ഏകാദശീവ്രതം പാരണക്ക് ശേഷം മാത്രമേ പൂർത്തിയാകൂ. ഭജന, സത്സംഗം, പുണ്യക്ഷേത്രദർശനം ഇവ നടത്തി ദ്വാദശിനാൾ പാരണ കഴിച്ചു വ്രതം അവസാനിപ്പി ക്കണം. വെളുത്തപക്ഷം ഏകാദശിയാണു ഉത്തമം. ഏകാദശീ വ്രതം എടുത്തയാൾ പകൽ ഉറങ്ങാൻ പാടില്ല.
  • ഹരിവാസരം
ഏകാദശിയുടെ അന്ത്യഖണ്ഡവും (തിഥിയുടെ അവസാന നാലിലൊന്ന്)15നാഴികയും(ഒരു നാഴിക =24/60=2/5മണിക്കൂർ =40മിനിറ്റ്) ദ്വാദശിയുടെ ആദ്യ15 നാഴികയും ഉൾപ്പെട്ട 30 നാഴികക്ക് ഹരിവാസരം എന്നറിയപ്പെടുന്നു.  ഏകാദശിവ്രത ത്തില്‍ ഈ സമയം പൂര്‍ണ്ണമായും ഉപവാസമനുഷ്ടിക്കുന്നത്  പുണ്യമാണ്.

എല്ലാ ഏകാദശീ വ്രതങ്ങളും പ്രാധാന്യമുള്ളവ തന്നെ ആണെങ്കിലും വൈകുണ്ഠൈ കാദശി, ശയനൈകാദശി , ഉത്ഥാനൈകാദശി എന്നിവയും കേരളത്തിൽഗുരുവായൂർ ഏകാദശി , തിരുവില്വാമല, നെല്ലുവായ്, തൃപ്രയാർ, കടവല്ലൂർ എന്നീക്ഷേത്രങ്ങളീലെ ഏകാദശിയും അധികം പ്രധാനമാണ്. എല്ലാ വ്രതങ്ങളും അനുഷ്ഠിക്കുന്നതു കൊണ്ട് ശ്രേയസ്സുണ്ടാകും എന്നാൽ ഏകാദശിവ്രതം അനുഷ്ഠിക്കാതിരുന്നാൽ ദോഷമുണ്ട്.

Tuesday, August 23, 2016

നവഗ്രഹ ദോഷപരിഹാരത്തിന് ധാന്യദാനം

നവഗ്രഹ ദോഷപരിഹാരത്തിന് ധാന്യദാനം

******************************************************
നവഗ്രഹ ദോഷ നിവാരണത്തിനായി ജ്യോതിഷത്തില്‍ പലവിധ മാര്‍ഗങ്ങള്‍ നിര്‍ദേശിക്കപ്പെട്ടിട്ടുണ്ട് . ദോഷകാരകനായ ഗ്രഹത്തെയോ ദേവതയെയോ ഉപാസിക്കുക,പൂജാദി കര്‍മങ്ങള്‍ നടത്തുക,യോജ്യമായ വൃതാനുഷ്ടാനങ്ങള്‍ അനുഷ്ടിക്കുക,അനുകൂല രത്നങ്ങള്‍ ധരിക്കുക ,അനുകൂല നിറത്തിലുള്ള വസ്ത്രങ്ങള്‍ ധരിക്കുക മുതലായി ഒട്ടനവധി പരിഹാര മാര്‍ഗങ്ങള്‍ ഉണ്ട് . ഇതില്‍ പലതും പലര്‍ക്കും പല കാരണങ്ങളാല്‍ ചെയ്യുവാന്‍ സാധിച്ചെന്നു വരില്ല. രത്നധാരണം ആണെങ്കില്‍ ശരിയായ രത്നം തിരഞ്ഞെടുത്തില്ലെങ്കില്‍ ഗുണത്തെക്കാള്‍ ഉപരി ദോഷം ചെയ്തുവെന്ന് വരും.
 
ഏതായാലും ഏതു ഗ്രഹമാണോ ദോഷകാരകനായി വര്‍ത്തിക്കുന്നത് , ആ ഗ്രഹത്തിന് പറഞ്ഞിരിക്കുന്നതായ ധാന്യം ദാനം ചെയ്യുന്നത് ഒരു വലിയ അളവില്‍ ദോഷശമനത്തിന് ഉപകാരപ്പെടും.

നവഗ്രഹങ്ങളും ധാന്യങ്ങളും 

സൂര്യന്‍-  ഗോതമ്പ് 
ചന്ദ്രന്‍-  അരി
ചൊവ്വ-  തുവര 
ബുധന്‍-  ചാമ 
ഗുരു-  കടല 
ശുക്രന്‍-  ചെറുപയര്‍ 
ശനി- എള്ള് 
രാഹു  -  ഉഴുന്ന് 
കേതു-  മുതിര 

അഷ്‌ടമി രോഹിണിയിലെ അനുഷ്ടാനങ്ങള്‍

അഷ്‌ടമി രോഹിണി ദിവസം സന്താന ഗോപാലമന്ത്രം 41 പ്രാവശ്യം ജപിച്ചാല്‍ ഇഷ്‌ടസന്താന പ്രാപ്തിയുണ്ടാകുമെന്നതില്‍  തര്‍ക്കമില്ല. 
''ദേവകീ സുത ഗോവിന്ദാ വാസുദേവാ ജഗത്‌പതേ 
ദേഹി മേ തനയം കൃഷ്‌ണാ ത്വാമഹം ശരണം ഗത'' 

എന്ന സന്താന ഗോപാല മന്ത്രത്താല്‍ അഷ്ടമിരോഹിണി നാളില്‍ ശ്രീകൃഷ്‌ണപ്രതിഷ്‌ഠയുളള ക്ഷേത്രത്തില്‍ പൂജ നടത്തുന്നതും ശ്രേഷ്‌ഠമാണ്‌. 

ജാതകവശാല്‍ ആയുസ്സിന്‌ മാന്ദ്യം ഉളളവര്‍ ശ്രീകൃഷ്‌ണജയന്തിക്ക്‌ 41 പ്രാവശ്യം ആയുര്‍ഗോപാലമന്ത്രം ജപിക്കണം. 

''ദേവകീ സുത ഗോവിന്ദാ വാസുദേവാ ജഗത്‌പതേ 
ദേഹി മേ ശരണം കൃഷ്‌ണാ ത്വാമഹം ശരണം ഗത'' 

എന്നതാണ് ആയുര്‍ഗോപാല മന്ത്രം.

 ''കൃഷ്‌ണ കൃഷ്‌ണാ ഹരേ കൃഷ്‌ണാ 
സര്‍വ്വജ്‌ഞാ ത്വം പ്രസീദ മേ 
രമാ രമണാ വിശ്വേശാ, 
വിദ്യാമാശു പ്രയശ്‌ച മേ' 

വിദ്യാഭ്യാസ പുരോഗതിക്കും വിദ്യാവിജയത്തിനും വിജയത്തിനും ഈ  വിദ്യാഗോപാല മന്ത്രം 41 പ്രാവശ്യം ജപിക്കണം. 

ജ്‌ഞാനസമ്പാദനത്തിനും ഓര്‍മശക്തി വര്‍ധിക്കാനും 

''ഉല്‍ഗിരല്‍ പ്രണവോല്‍ഗീഥ 
സര്‍വ്വ വാഗീശ്വരേശ്വരാ 
സര്‍വ്വ വേദമയാചിന്ത്യ 
സര്‍വ്വം ബോധയ ബോധയ'' 

എന്ന ''ഹയഗ്രീവ ഗോപാല മന്ത്രം'' 41 ഉരു  ജപിക്കണം. 


ധനസമൃദ്ധിക്കും ഐശ്വര്യത്തിനും


''കൃഷ്‌ണ കൃഷ്‌ണ മഹായോഗിന്‍ 
ഭക്‌താനാം അഭയം കര 
ഗോവിന്ദ പരമാനന്ദാ 
സര്‍വ്വം മേ വശമാനയ'' 


എന്ന രാജഗോപാലമന്ത്രം അഷ്ടമി രോഹിണി ദിനത്തില്‍ 41 പ്രാവശ്യം ജപിക്കുന്നത് സാമ്പത്തിക അഭിവൃദ്ധിക്കും സര്‍വ ഐശ്വര്യത്തിനും പ്രയോജനപ്രദമാണ്.

ഞായറാഴ്ച ഗൃഹ പ്രവേശം ആകാമോ?

ഞായറാഴ്ച അവധി ദിവസം ആകയാല്‍ ആളുകളുടെ സൗകര്യം നോക്കി ഗൃഹപ്രവേശത്തിന്  മുഹൂര്‍ത്തത്തിനു വേണ്ടി പലരും ജ്യോത്സ്യന്മാരെ സമീപിക്കാറുണ്ട്. പലരും ഞായറാഴ്ച മുഹൂര്‍ത്തം
ഗണിച്ചു കൊടുക്കാറുണ്ട്.

എന്നാല്‍ മുഹൂര്‍ത്ത പദവിയില്‍ വളരെ അസന്നിഗ്ദ്ധമായി പറയുന്ന പ്രമാണമാണ്‌ ഞായറാഴ്ചയും ചൊവ്വാഴ്ചയും ഗൃഹാരംഭമോ ഗൃഹ പ്രവേശമോ പാടില്ല എന്ന്. ഇതിനു അതിന്റേതായ തത്വങ്ങളുണ്ട്.വഹ്നിജ്വാലം എന്നത് ഒരു നരകമാണ്. സൂര്യ ദിവസമായ ഞായറാഴ്ചയും കുജ ദിനമായ ചൊവ്വാഴ്ചയും അഗ്നി കാരകത്വമുള്ള ദിവസങ്ങളാണ്.ഈ ദിവസങ്ങളില്‍ പാല്‍ കാച്ചുന്നത്  ഐശ്വര്യ പ്രദമല്ല.കാര്യം മൂല മഘാന്ന ...എന്ന് തുടങ്ങുന്ന ശ്ലോകത്തില്‍ ഇത് വ്യക്തമായി പറയുന്നുണ്ട്.

ആയതിനാല്‍ ഞായര്‍ ചൊവ്വ എന്നീ ദിവസങ്ങളിലെ ഗൃഹ പ്രവേശം ഒഴിവാക്കണം.ആളുകളുടെ സൌകര്യമാണ് മുഖ്യമെങ്കില്‍ ഞായറാഴ്ച പ്രത്യേകം വിരുന്നുകളോ മറ്റോ സംഘടിപ്പിക്കുക. ചടങ്ങ് മുഹൂര്‍ത്തം അനുസരിച്ച് തന്നെ നടത്തുക. സല്ക്കര്‍മ്മങ്ങള്‍ക്ക്  മുഹൂര്‍ത്തം ആണ് പ്രധാനം; സൗകര്യം അല്ല എന്ന് മനസ്സിലാക്കണം.

ഗ്രഹപ്പിഴയ്ക്ക്‌ പരിഹാരം വിഷ്ണു പൂജ

വൈഷ്ണവ പ്രീതികരമായ വിഷ്ണുപൂജ ഗ്രഹപ്പിഴക്കാലങ്ങളില്‍ നടത്തുന്നത്‌ ശാന്തിദായകമാണ്‌. വ്യക്തിയുടെ ജന്മനക്ഷത്രം തോറും ഇത്‌ നടത്താം. ലളിതമായി ചെയ്യാവുന്ന ഈ കര്‍മ്മം സ്വസ്തികപത്മമിട്ട്‌ വിളക്കുവച്ച്‌ നടത്തുന്നു. രാവിലെയാണ്‌ പതിവ്‌. വിഷ്ണുസഹസ്രനാമം, പുരുഷസൂക്തം, നാരായണസൂക്തം തുടങ്ങിയവ ജപിച്ച്‌ അര്‍ച്ചന നടത്തുകയും ചെയ്യാം. ദ്വാദശനാമം, അഷ്ടോത്തരശതം എന്നിവകളാല്‍ പുഷ്പാഞ്ജലി നടത്തുന്നതും പതിവാണ്‌. പാല്‍പ്പായസമാണ്‌ മുഖ്യനിവേദ്യം. വിഷ്ണുപൂജ തന്നെ വിപുലമായ വിധാനങ്ങളോടെ ദ്വാദശനാമം പൂജയും, കാലുകഴികിച്ചൂട്ടും എന്ന പേരില്‍ ഗോദാനാദി ദശദാനങ്ങള്‍, ഫലമൂലദാനങ്ങള്‍ തുടങ്ങിയവയോടുകൂടി നടത്താറുണ്ട്‌. ഷ്ഷ്ടിപൂര്‍ത്തി, സപ്തതി, ശതാഭിഷേകം, നവതി, ദശാബ്ദി തുടങ്ങിയവയ്ക്ക്‌ വിഷ്ണുപൂജ ഇപ്രകാരം നടത്തുന്നത്‌ ഉത്തമമാണ്‌. പക്കപ്പിറന്നാള്‍ തോറും ലളിതമായും ആട്ടപ്പിറന്നാളിന്‌ വിപുലമായും വിഷ്ണുപൂജ നടത്തുന്നത്‌ ഗ്രഹപ്പിഴാപരിഹാരത്തിന്‌ ഫലപ്രദമായി കണ്ടിട്ടുണ്ട്‌. ജാതകനെക്കൊണ്ട്‌ യഥാവിധി മന്ത്രങ്ങള്‍ ചൊല്ലിച്ചാണ്‌ ദാനം നിര്‍വ്വഹിക്കേണ്ടത്‌. ദാനം സ്വീകരിക്കുന്നയാള്‍ അക്ഷതമിട്ട്‌ ആയുരാരോഗ്യസൗഖ്യം നേര്‍ന്ന്‌ അനുഗ്രഹിക്കുന്നു. വ്യാഴദശാകാലമുള്ളവരും ചാരവശാല്‍ വ്യാഴം അനിഷ്ടമായവരും ജന്മനക്ഷത്രം തോറും വിഷ്ണുപൂജ നടത്തുന്നത്‌ കൂടുതല്‍ ഫലപ്രദമായിരിക്കും. മാര്‍ഗശീര്‍ഷമാസം (വൃശ്ചികത്തിലെ അമാവാസിക്കുശേഷം ധനുവിലെ അമാവാസി വരെ) മുതല്‍ 12 മാസങ്ങള്‍ക്ക്‌ ക്രമത്തില്‍ വിഷ്ണുവിന്റെ ദ്വാദശ മൂര്‍ത്തികളില്‍ അധിപതികളാണ്‌. കേശവന്‍, നാരായണന്‍, മാധവന്‍, ഗോവിന്ദന്‍, വിഷ്ണു, മധുസൂദനന്‍, ത്രിവിക്രമന്‍, വാമനന്‍, ശ്രീധരന്‍, ഹൃഷികേശന്‍, പത്മനാഭന്‍, ദാമോദരന്‍ എന്നിവരെ യഥാക്രമം അതാതുമാസത്തില്‍ ജാതകന്റെ ജന്മനക്ഷത്രം തോറും അതാത്‌ നാമങ്ങളില്‍ പൂജ ചെയ്യുന്നത്‌ അതിവിശേഷമാണ്‌. ഇതുപോലെ ഐശ്വര്യത്തിനും സമ്പത്തിനുമായി നടത്തുന്ന ലക്ഷ്മീപൂജ, വിദ്യാനൈപുണ്യത്തിനുവേണ്ടിയുള്ള സരസ്വതീപൂജ, പുതൃമോക്ഷം, ദൃഷ്കൃതക്ഷയം എന്നിവയ്ക്ക്‌ നടത്തുന്ന സുകൃതഹോമം, മോക്ഷ ചതുഷ്ടയങ്ങളിലൊന്നായ സായൂജ്യം ലഭിക്കുന്നതിന്‌ വേണ്ടിയുള്ള സായൂജ്യപൂജ എന്നിങ്ങനെ കര്‍മ്മങ്ങള്‍ അസംഖ്യമുണ്ട്‌

ഏത്തമിടല്‍ എങ്ങനെ

മഹാഗണപതിയെ വന്ദിക്കുമ്പോള്‍ മാത്രം ചെയ്യുന്ന ഒന്നാണ് ഏത്തമിടല്‍, മറ്റൊരു ദേവതയ്ക്കും ഏത്തമിടല്‍ പറഞ്ഞിട്ടില്ല. ആചാര്യന്മാര്‍ നിര്‍ദേശിച്ചവിധം ഏത്തമിട്ടാലെ ഫലം കിട്ടുകയുള്ളൂ.

ഭക്തന്‍ ഇടതുകാലിന്മേല്‍ ഊന്നിനിന്നിട്ട് വലതുകാല്‍ ഇടതുകാലിന്ടെ മുന്പില്‍കൂടി കൊണ്ടുവന്ന്‍ ഇടതുവശത്ത് പെരുവിരല്‍ മാത്രം നിലത്തൂന്നി നില്‍ക്കണം. ശേഷം ഇടതു കൈയുടെ ചൂണ്ടാണി വിരലും നടുവിരലുംകൊണ്ട് വലത്തെ ചെവിയിലും, വലതുകൈ ഇടതുകൈയുടെ മുന്പില്‍ കൂടി കൊണ്ടുവന്നു മുന്‍പറഞ്ഞപോലെ ചൂണ്ടാണി വിരലും നടുവിരലും കൊണ്ട്  ഇടത്തെ ചെവിയിലും പിടിക്കണം. എന്നിട്ട് ശരീരത്തിന്റെ  നടുഭാഗം വളച്ചു കുനിഞ്ഞ്‌ ഇരുകൈമുട്ടുകളും താഴേക്ക് കൊണ്ടുവരികയും നിവര്‍ന്നു മുകളിലേക്ക് വന്നു പൂര്‍വസ്ഥിതിയില്‍ നില്‍ക്കുകയും ചെയ്യുക. ഏത്തമിടല്‍ ചെയ്യേണ്ടത് ഇങ്ങനെയാണ്. ഏത്തമിടലിന്ടെ ഏറ്റവും കുറഞ്ഞ എണ്ണം മൂന്നാണ്. ശരീരശാസ്ത്രമനുസരിച്ച്  ഏത്തമിടല്‍കൊണ്ട് വളരെയേറെ ഗുണങ്ങള്‍ ഉണ്ട് . അഞ്ച്, ഏഴ്, പന്ത്രണ്ട് എന്നിങ്ങനെ ഏത്തമിടലിന്ടെ സംഖ്യ വര്‍ധിപ്പിക്കാവുന്നതാണ്.

ഗണേശ വിഗ്രഹങ്ങള്‍ വീട്ടില്‍ വയ്ക്കേണ്ട സ്ഥാനങ്ങള്‍

ചെമ്പുകൊണ്ടുള്ള ഗണേശ വിഗ്രഹം 

സന്തതിപരമ്പരകളുടെ ക്ഷേമൈശ്വര്യങ്ങള്‍  ആഗ്രഹിക്കുന്നവര്‍ക്ക്‌ വീട്ടില്‍ ചെമ്പുകൊണ്ടുള്ള ഗണേശ വിഗ്രഹം സ്ഥാപിക്കുന്നത്‌ നല്ലതാണന്നാണ്‌ വിശ്വാസം. ചെമ്പ്‌ കൊണ്ടുള്ള  ഗണേശ വിഗ്രഹങ്ങള്‍ കിഴക്കോ തെക്കോ ദിശയില്‍ വയ്‌ക്കുക. തെക്ക്‌ പടിഞ്ഞാറോ വടക്ക്‌കിഴക്കോ ദിശയില്‍ വയ്‌ക്കരുത്‌.  

തടി
കൊണ്ടുള്ള ഗണേശ വിഗ്രഹം


ചന്ദനത്തടിയില്‍ ഉള്‍പ്പടെ വിവിധ മരങ്ങള്‍ കൊണ്ട്‌ നിര്‍മ്മിക്കുന്ന ഗണേശ വിഗ്രഹങ്ങള്‍ക്ക്‌ നിരവധി ഗുണങ്ങളുണ്ട്‌. ആരോഗ്യം, ദീര്‍ഘായുസ്സ്‌, വിജയം എന്നിവയ്‌ക്കായി ഇത്തരം വിഗ്രഹങ്ങളെ നമ്മള്‍ ആരാധിക്കാറുണ്ട്‌. അതിനാല്‍ തടികൊണ്ടുള്ള ഗണേശ വിഗ്രഹങ്ങള്‍ വടക്ക്‌, വടക്ക്‌ കിഴക്ക്‌ അല്ലെങ്കില്‍ കിഴക്ക്‌ ദിശകളില്‍ വയ്‌ക്കുക. തെക്ക്‌കിഴക്ക്‌ ദിശയില്‍ ഇവ ഒരിക്കലും വയ്‌ക്കാന്‍ പാടില്ല.

കളിമണ്ണു
കൊണ്ടുള്ള ഗണേശ വിഗ്രഹം


കളിമണ്ണില്‍ തീര്‍ത്ത ഗണേശ വിഗ്രഹങ്ങള്‍ക്കും നിരവധി ഗുണങ്ങളുണ്ട്‌. ഇവയെ ആരാധിക്കുന്നതിലൂടെ ആരോഗ്യം, വിജയം എന്നിവ ലഭിക്കുന്നതിന്‌ പുറമെ തടസ്സങ്ങള്‍ മാറാന്‍ സഹായിക്കുകയും ചെയ്യും. എന്തു തന്നെയായാലും ഇത്തരം വിഗ്രഹങ്ങള്‍ പടിഞ്ഞാറ്‌ അല്ലെങ്കില്‍ വടക്ക്‌ ദിശകളില്‍ വയ്‌ക്കരുത്‌. തെക്ക്‌പടിഞ്ഞാറ്‌ ദിശയില്‍ വയ്‌ക്കാം.

പിച്ചളകൊണ്ടുള്ള ഗണേശ വിഗ്രഹം 


പിച്ചളയില്‍ തീര്‍ത്ത ഗണേശ വിഗ്രങ്ങള്‍ വീടുകളില്‍ ഐശ്വര്യവും സമൃദ്ധിയും നിറയ്‌ക്കും. പിച്ചളയില്‍ തീര്‍ത്ത വിഗ്രഹങ്ങള്‍ കിഴക്ക്‌, തെക്ക്‌, പടിഞ്ഞാറ്‌ ദിശകളില്‍ വയ്‌ക്കാം. അതേസമയം ഇവ വടക്ക്‌ കിഴക്ക്‌, വടക്ക്‌ പടിഞ്ഞാറ്‌ ദിശകളില്‍ വയ്‌ക്കരുത്‌.

Saturday, August 20, 2016

പണമുണ്ടാക്കിയിട്ടും പണം കയ്യില്‍ നില്‍ക്കുന്നില്ലെങ്കില്‍ പരിഹാരം

എത്ര കഷ്ടപ്പെട്ടിട്ടും പണമുണ്ടാക്കിയിട്ടും പണം കയ്യില്‍ നില്‍ക്കുന്നില്ലെങ്കില്‍ ഇതിന്‌ പരിഹാരമായി ചെയ്യാവുന്ന, ഇതുവഴി സാമ്പത്തിക ബുദ്ധിമുട്ടുകള്‍ നീക്കാവുന്ന വഴികളുണ്ട്‌. ഇതെക്കുറിച്ചറിയൂ,

ദിവസവും രാവിലെ പുതിയ പൂക്കള്‍ ദൈവത്തിനു സമര്‍പ്പിയ്‌ക്കാം. പഴയ പൂക്കള്‍ മാറ്റുക, ഇത്‌ നെഗറ്റീവ്‌ എനര്‍ജിയുണ്ടാക്കും.

വീട്‌ ദിവസവും വൃത്തിയാക്കുക, അനാവശ്യമായവ നീക്കുക. ഇവ അടിഞ്ഞു കൂടിക്കിടക്കുന്നത്‌ ലക്ഷ്‌മീദേവിയെ പടിയ്‌ക്കു പുറത്തു നിര്‍ത്തും.


പാലുള്‍പ്പെടെയുള്ള യാതൊരു പാലുല്‍പന്നങ്ങളും തുറന്നു വയ്‌ക്കരുത്‌. എപ്പോഴും അടച്ചു സൂക്ഷിയ്‌ക്കുക.


വീട്ടിലെ പൂജാമുറിയ്‌ക്കു സമീപം ചെരിപ്പുകളോ സോക്‌സോ സൂക്ഷിയ്‌ക്കരുത്‌. ചെരിപ്പു കഴിവതും പുറത്തു വയ്‌ക്കുക.
ഭക്ഷണമുണ്ടാക്കുമ്പോള്‍ ആദ്യം അല്‍പം പശുവിന്‌, അല്ലെങ്കില്‍ നായയ്‌ക്കു കൊടുക്കുക.

വീടിനുള്ളില്‍ സസ്യങ്ങള്‍ വളര്‍ത്തുന്നത്‌ ഐശ്വര്യദായകമാണ്‌. മുള്ളുള്ള സസ്യങ്ങള്‍ വീടിനുള്ളില്‍ വയ്‌ക്കുകയുമരുത്‌.

തുളസി വീട്ടില്‍ നല്ലതു തന്നെ. എന്നാല്‍ ഇതൊരിയ്‌ക്കലും തെക്കുഭാഗത്തു വയ്‌ക്കരുത്‌.

ഇതുപോലെ വീടിന്റെ കിഴക്കുഭാഗത്ത്‌ ആല്‍മരം പാടില്ല. ഇത്‌ ഐശ്വര്യത്തിന്‌ തടസം നില്‍ക്കും.





ധനം സമ്പാദിക്കണോ വസ്ത്രനിറങ്ങളിലൂടെ പരിഹാരം

ജീവിതത്തില്‍ സാമ്പത്തികഭദ്രത ആഗ്രഹിക്കാത്തവര്‍ ആരും ഉണ്ടാവില്ല. എന്നാല്‍ നല്ല ജോലിയും കഴിവും ഉണ്ടായിട്ടും സാമ്പത്തികമായി നല്ല രീതിയില്‍ അല്ലെങ്കില്‍ അതുണ്ടാക്കുന്ന പ്രശ്‌നം മാനസികമായും ശാരീരികമായും നമ്മളെയെല്ലാം തളര്‍ത്തും. നിറങ്ങള്‍ക്ക് നമ്മുടെ ജീവിതത്തില്‍ വളരെ വലിയ സ്ഥാനമാണ് ഉള്ളത്

കാരണം നവഗ്രഹങ്ങളിലെ ആദ്യ ഏഴ് ഗ്രഹങ്ങള്‍ നമ്മുടെ ജീവിത പുരോഗതിയേയും ഭാഗ്യത്തേയും സാമ്പത്തിക ലാഭത്തേയും പ്രതിനിധികരിയ്ക്കുന്നതാണ്. അതുകൊണ്ട് തന്നെ ആഴ്ചയിലെ ഓരോ ദിവസവും നമ്മള്‍ ധരിയ്‌ക്കേണ്ട ചില നിറങ്ങള്‍ ഉണ്ട്. ഇത്തരത്തില്‍ ധരിയ്ക്കുന്നതിലൂടെ നമ്മുടെ സാമ്പത്തിക കാര്യങ്ങള്‍ മെച്ചപ്പെടുമെന്ന് പറയാം.

ഞായര്‍ 
സൂര്യനാണ് ഞായറിന്റെ ദേവന്‍. അതുകൊണ്ട് തന്നെ സൂര്യന്റെ നിറമായ ഓറഞ്ച് നിറത്തിലുള്ള വസ്ത്രങ്ങള്‍ ധരിയ്ക്കുന്നത് എന്തുകൊണ്ടും നല്ലതാണ്. ഇത് സാമ്പത്തികമായി ഉറപ്പ് നേടിത്തരുന്നു.


തിങ്കള്‍ 
ചന്ദ്രന്റെ ദിവസമാണ് തിങ്കള്‍. ജാതകത്തില്‍ ചന്ദ്രന്റെ ബലം അനുസരിച്ചാണ് സാമ്പത്തികകാര്യങ്ങളില്‍ നാം മുന്നിട്ട് നില്‍ക്കുന്നത്. എന്നാല്‍ തിങ്കളാഴ്ച വെളുത്ത നിറത്തിലുള്ള വസ്ത്രം ധരിയ്ക്കുന്നത് നമ്മുടെ സാമ്പത്തിക പരാധിനതകളെ ഇല്ലാതാക്കും.


ചൊവ്വ 
ചുവപ്പ് നിറമാണ് കുജന്റെ നിറം. മനുഷഅയന്റെ ബലവും സാമ്പത്തികവും ശാരീരികവുമാ. ശക്തിയും സൂചിപ്പിക്കുന്നതും കുജനാണ്. കുജനെ പ്രീതിപ്പെടുത്താന്‍ ചൊവ്വാഴ്ച ചുവപ്പ് നിറമുള്ള വസ്ത്രം ധരിയ്ക്കാം

ബുധന്‍ 
സാമ്പത്തിക ലാഭം നേടാന്‍ ബുദ്ധിശക്തിയും അത്യാവശ്യമാണ്. ബുധനാണ് ബുദ്ധിശക്തിയുടെ കാര്യത്തില്‍ മുന്നില്‍ നില്‍ക്കുന്നത്. പച്ചനിറമുള്ള വസ്ത്രം ബുധനാഴ്ച ധരിയ്ക്കാവുന്നതാണ്.
വ്യാഴം 
മഞ്ഞ നിറമുള്ള വസ്ത്രം വ്യാഴാഴ്ച ധരിച്ചു നോക്കൂ. സാമ്പത്തികമായി ഉയര്‍ച്ച ഉണ്ടാവുന്നത് കാണാം. ഗുരുവാണ് വ്യാഴത്തിന്റെ അധിപന്‍.

വെള്ളി 
വെള്ളിയാഴ്ച ശുക്രനെ പ്രീതിപ്പെടുത്താം. ഇതിലൂടെ സാമ്പത്തിക ലാഭം ലഭിക്കാന്‍ ചുവപ്പ്, വെള്ള, പിങ്ക് നിറമുള്ള വസ്ത്രങ്ങള്‍ ധരിയ്ക്കാം

ശനി ശാസ്താവാണ് ശനിയുടെ അധിപന്‍. ശനിയാഴ്ച ദിവസങ്ങളില്‍ കറുപ്പോ നീലയോ നിറമുള്ള വസ്ത്രം ധരിയ്ക്കുന്നതാണ് ഉത്തമം. ഇതും സാമ്പത്തിക ലാഭം വര്‍ദ്ധിപ്പിക്കും.


വീട്ടിലെ സാമ്പത്തികപ്രശ്‌നം പരിഹരിക്കാം

പണത്തിനു ബുദ്ധിമുട്ടുണ്ടാകരുതെന്നു കരുതുന്നവരാണ്‌ ഏറെയും. എന്നാല്‍ എത്ര സമ്പാദിച്ചാലും ചിലപ്പോള്‍ വീട്ടില്‍ സാമ്പത്തിക ബുദ്ധിമുട്ടുകള്‍ മാറാത്തതു കാണാം. ഈ കാശെല്ലാം എവിടെപ്പോകുന്നു എന്ന ചിന്ത വരുത്തുന്നത്ര സാമ്പത്തിക ബുദ്ധിമുട്ടുകള്‍.

ഹനുമാന്റെ പഞ്ചലോഹവിഗ്രഹം വീടിന്റെ തെക്കുപടിഞ്ഞാറ്‌ ദിശയില്‍ സ്ഥാപിയ്‌ക്കുക. ദിവസവും പ്രാര്‍ത്ഥിയ്‌ക്കുക.

വീടിന്റെ പ്രധാന വാതിലിനു സമീപം ലക്ഷ്‌മി, കുബേര്‍, സ്വാസ്‌തിക്‌ ഇവയിലേതെങ്കിലും വയ്‌ക്കുക.

വാസ്‌തുവിന്റെ ഒരു വിഗ്രഹം വീട്ടില്‍ വയ്‌ക്കുന്നത്‌ വാസ്‌തു ദോഷങ്ങള്‍ ഒഴിവാക്കും.

വെള്ളം നിറച്ച മണ്‍പാത്രം വീടിന്റെ വടക്കുമൂലയില്‍ സ്ഥാപിയ്‌ക്കുക. ഇതിലെ വെള്ളം കുറയരുത്‌. വെള്ളം മാറ്റിയാല്‍ അത്ര തന്നെ നിറയ്‌ക്കുക. ഇത്‌ തുറന്നു വയ്‌ക്കുകയുമരുത്‌.

ലോഹത്തിന്റെ മീനോ ആമയോ വീട്ടിലുള്ളത്‌ വാസ്‌തുദോഷമൊഴിവാക്കാനും പണമുണ്ടാകാനും നല്ലതാണ്‌.

വെള്ളിയുടേയോ പിച്ചളയുടെയോ ചെമ്പിന്റെയോ പിരമിഡ്‌ രൂപം കുടുംബാംഗങ്ങള്‍ എല്ലാവരും കൂടുതല്‍ സമയം ഒരുമിച്ചു ചെലഴിയ്‌ക്കുന്നിടത്തു വയ്‌ക്കുക. വീട്ടുകാരുടെ വരുമാനം കൂടും.

ചൂല്‍, ചെരിപ്പ്‌, തുടയ്‌ക്കുന്നവ എന്നിവ കോണിപ്പടിയ്‌ക്കു താഴെ വയ്‌ക്കരുത്‌.

ഗ്യാസ്‌ സ്റ്റൗ വടക്കു ദിശയില്‍ സ്ഥാപിയ്‌ക്കണം. ഇത്‌ വീട്ടിലെ സാമ്പത്തിക ബുദ്ധിമുട്ടുകളെ കരിച്ചു കളയും