വയനാട് ജില്ലയിലെ നൂല്പ്പുഴ പഞ്ചായത്തിലാണ് പുരതാനമായ ശ്രീരാമ-സീതാ ക്ഷേത്രം സ്ഥിതിചെയ്യുന്നത്. രണ്ടുനിലയുള്ള ശ്രീകോവിലാണ് ഇവിടുത്തെ പ്രത്യേകത. ഒറ്റപ്പീഠത്തില് നാല് വിഗ്രഹങ്ങൾ പ്രതിഷ്ഠിച്ചിരിക്കുന്നുവെന്ന പ്രത്യേകതയും ഈ ക്ഷേത്രത്തിനുണ്ട്.സീതാക്ഷേത്രത്തിന് പിന്നില് കുളമുണ്ട്. ദേവിയുടെ കണ്ണീര് വീണുണ്ടായ കുളമാണിതെന്നാണ് ഐതിഹ്യം. ക്ഷേത്രത്തിലേക്ക് നേര്ച്ചയായി ധാരാളം പശുക്കളെ കിട്ടാറുണ്ട്. അതിനാൽ ഇവിടെ നല്ലൊരു ഗോശാലയുമുണ്ട്.
ശ്രീരാമന് വെണ്ണനിവേദ്യവും സീതാദേവിക്ക് രക്തപുഷ്പാഞ്ജലിയുമാണ് പ്രധാന വഴിപാടുകൾ. ഗണപതിക്ക് കറുകമാല, സുബ്രഹ്മണ്യന് പഞ്ചാമൃതം ദുര്ഗാദേവിക്ക് പട്ടുചാര്ത്തൽ, അയ്യപ്പന് നീരാജനം, ഗോശാല കൃഷ്ണന് സഹസ്രനാമാര്ച്ചന, ഹനുമാന് വെറ്റിലമാല ദക്ഷിണാമൂര്ത്തിക്ക് കൂവളമാല എന്നിവയാണ് മറ്റ് വഴിപാടുകൾ.കുംഭം എട്ടിനാണ് ഉത്സവം. മലദൈവങ്ങള്ക്ക് വെള്ളാട്ടമുണ്ട്. രാത്രിയിലാണ് തിറ. കര്ക്കടത്തിലെ കറുത്തവാവിന് ഇവിടെ പിതൃതര്പ്പണം പ്രധാനമാണ്.
