നമ്മുടെ ജീവിതത്തില്‍ നാം കൂടുതല്‍ സമയം ചെലവഴിക്കുന്നത്‌ ഓഫീസിലോ സ്വന്തം കടയിലോ ആയിരിക്കും. ഈ കെട്ടിടം വാസ്‌തുവിധി പ്രകാരം നിര്‍മ്മിച്ചതാണെങ്കില്‍ ജോലിയോ, ബിസിനസ്സോ വളരെ സുഖകരമായ അന്തരീക്ഷത്തില്‍ നീങ്ങും. പുരോഗതിയുണ്ടാകും. നേരെ മറിച്ചായാല്‍ അവിടെ ജീവനക്കാര്‍ തമ്മില്‍ കലഹം, അധികാരികള്‍ക്ക്‌ മാനസിക അസ്വസ്‌ഥത, ചിന്താക്കുഴപ്പങ്ങള്‍ എന്നിവ സംഭവിക്കും. തന്മൂലം കാലക്രമേണ ആ സ്‌ഥാനപം അടച്ചുപൂട്ടാന്‍ നിര്‍ബ്ബന്ധിതമാകും.
ഒരു കട, ഓഫീസ്‌, വ്യവസായ സ്‌ഥാപനം എന്നിവ നിര്‍മ്മിക്കുമ്പോഴും പഴയതു വാങ്ങുമ്പോഴും അവയുടെ സ്‌ഥാനം, ആകൃതി, ദര്‍ശനം എന്നിവ ശുഭമാണെങ്കില്‍ മാത്രമേ വാങ്ങാവൂ. എന്നാല്‍ മാത്രമേ അവിടെ നടക്കുന്ന പ്രവര്‍ത്തനങ്ങളില്‍ പ്രകൃതിയുടെ ആനുകൂല്യങ്ങള്‍ ലഭിക്കുകയുള്ളൂ.
പ്രകൃതിയുടെ (വാസ്‌തുശാസ്‌ത്ര നിയമങ്ങള്‍) ആനുകൂല്യം ലഭിക്കുന്നപക്ഷം അവിടെ നടത്തുന്ന ഏതൊരു പ്രവര്‍ത്തനവും ലാഭകരവും, സന്തോഷകരവുമായിരിക്കും. ഗൃഹങ്ങളിലെപ്പോലെ ഒരു കടയുടെയോ, സ്‌ഥാപനത്തിലേയോ വാസ്‌തുനില അവിടെ ജോലി ചെയ്യുന്ന ആളുകളില്‍ വ്യക്‌തമായ സ്വാധീനം ചെലുത്തുന്നതാണ്‌. കടയുടെയോ സ്‌ഥാപനങ്ങളുടെയോ കാര്യത്തില്‍ ശ്രദ്ധിക്കേണ്ട കാര്യങ്ങള്‍
- കെട്ടിടത്തിന്റെ ആകൃതി ദീര്‍ഘചതുരമോ, സമചതുരമോ ആയിരിക്കണം.
- കെട്ടിടത്തില്‍ ഭാരമുള്ള ഷെല്‍ഫുകളും ഫര്‍ണിച്ചറും ക്രമീകരിക്കുമ്പോള്‍ തെക്ക്‌, തെക്കുപടിഞ്ഞാറ്‌, പടിഞ്ഞാറ്‌ എന്നീ ദിശകളില്‍ വരത്തക്കവണ്ണം ക്രമീകരിക്കണം. വടക്കുകിഴക്കേ ഭാഗം പൂര്‍ണ്ണമായും ഒഴിവാക്കി ഇടുവാന്‍ ശ്രദ്ധിക്കണം.
- ഉപയോഗമില്ലാത്ത പാഴ്‌വസ്‌തുക്കളും പഴയസാധനങ്ങളും വടക്കുകിഴക്കേ മൂലയില്‍ നിക്ഷേപിക്കരുത്‌. ഈ ഭാഗം വളരെ വൃത്തിയായി സൂക്ഷിക്കണം.
- വടക്കോ, കിഴക്കോ നോക്കിനിന്നു പ്രാര്‍ത്ഥിക്കുന്ന വിധത്തില്‍ ദേവതാചിത്രങ്ങള്‍ ക്രമീകരിക്കണം.
- ഉടമസ്‌ഥന്റെ ഇരിപ്പിടം വടക്കോ, കിഴക്കോ നോക്കി ഇരിക്കത്തക്കവണ്ണം സജ്‌ജീകരിക്കണം.
- സ്‌ഥാപനത്തിന്റെ (കടയുടെ) ദര്‍ശനം ഏതു വശത്തായാലും ആ വശത്തിന്റെ ഉച്ചഭാഗത്തുകൂടിയായിരിക്കണം ഉപഭോക്‌താക്കള്‍ക്ക്‌ അകത്തേക്ക്‌ വരാനുള്ള മാര്‍ഗം ഉണ്ടാക്കേണ്ടത്‌..
No comments:
Post a Comment