വശ്യതിലകവും വശീകരണ കണ്‍മഷിയും

നിത്യേന കുളികഴിഞ്ഞ്‌ ഈ വില്ല പനിനീരില്‍ അരച്ച്‌ മന്ത്രം ഏഴുരു ജപിച്ച്‌ നെറ്റിയില്‍ തിലകമിടുക. ഇഷ്‌ട കാമുകന്റെ മുന്നില്‍പ്പെടുകയും അയാളെ കടക്കണ്ണാല്‍ വീക്ഷിച്ച്‌ മൃദുവായി പുഞ്ചിരിക്കുകയും ചെയ്യുക. കാലതാമസ്യമെന്യേ അയാള്‍ വശംവദനായി വിവാഹത്തിന്‌ തയ്യാറാകും

അകില്‍, ചന്ദനം, കച്ചൂരം, കുങ്കുമം, കര്‍പ്പൂരം, കൊട്ടം, ഗോരോചനം ഇവ സമമെടുത്ത്‌ പനിനീര്‍ തൊട്ടരച്ച്‌ ചെറിയ വില്ലകളാക്കി ഉണക്കി സൂക്ഷിക്കുക. ഇവ അരച്ചുരുട്ടിയെടുക്കുമ്പോള്‍ കാമദേവ നാമമന്ത്രങ്ങള്‍ ഉരുവിട്ടുകൊണ്ടിരിക്കേണ്ടതാണ്‌.

ഉണങ്ങിയ വില്ലകള്‍ കത്തുന്ന വിളക്കിനുമുന്നില്‍വച്ച്‌ മൂന്നുദിവസം ആയിരത്തിയൊന്നുരുവീതം കാമദേവമന്ത്രങ്ങള്‍ ജപിച്ചു പൂജിക്കുക. പിന്നീട്‌ നിത്യേന കുളികഴിഞ്ഞ്‌ ഈ വില്ല പനിനീരില്‍ അരച്ച്‌ മന്ത്രം ഏഴുരു ജപിച്ച്‌ നെറ്റിയില്‍ തിലകമിടുക.

ഇഷ്‌ട കാമുകന്റെ മുന്നില്‍പ്പെടുകയും അയാളെ കടക്കണ്ണാല്‍ വീക്ഷിച്ച്‌ മൃദുവായി പുഞ്ചിരിക്കുകയും ചെയ്യുക. കാലതാമസ്യമെന്യേ അയാള്‍ വശംവദനായി വിവാഹത്തിന്‌ തയ്യാറാകും. ഇപ്രകാരം പുരുഷനാണ്‌ ചെയ്യുന്നതെങ്കില്‍ ഇഷ്‌ടപ്പെടുന്നവള്‍ വശംവദയായി ഭാര്യയാകുവാന്‍ സമ്മതിക്കുന്നതാണ്‌.

മേല്‍പ്പറഞ്ഞ പ്രകാരം മൂന്നു ദിവസം കണ്‍മഷി വിളക്കിനു മുന്നില്‍വച്ച്‌ കാമദേവമന്ത്രങ്ങള്‍ ജപിച്ചു പൂജിച്ചശേഷം മറ്റാരും എടുക്കാതെ രഹസ്യമായി സൂക്ഷിക്കുക. ഈ പ്രയോഗം പുരുഷനും സ്‌ത്രീക്കും ഒരുപോലെ ചെയ്യാവുന്നതാണ്‌. ദിവസേന ആ കണ്‍മഷികൊണ്ട്‌ കണ്ണെഴുതിയാല്‍ വശ്യമുണ്ടാകുന്നതാണ്‌.

ക്ഷിപ്രഗണപതി വശീകരണയന്ത്രം

മന്ത്രം:

''ബീജം സാധ്യവൃതംച ബീജമപിത-
ന്മദ്ധ്യേ രസാശ്രേം ഗകാം
സ്‌തത്സന്ധൗ, ക്രമവല്ലിഖേദ്വസുദളേ
മന്ത്രം സ്വരാന്‍ കേസരേ
ഗായത്ര്യാഭിവൃതം ചഹല്‌ഭി രവനേ-
ര്‍ഗ്ഗഹാശ്രബീജം ലിഖേ-
ദ്യന്ത്രം ക്ഷിപ്രഗണാധിപസ്യ വശദം
സമ്പത്‌ക്കരം മോഹനം''

യന്ത്രം:

ഷഡ്‌ക്കോണുകള്‍ അഷ്‌ടദളങ്ങള്‍ രണ്ട്‌ വീഥി വൃത്തങ്ങള്‍ ഭൂപുരം ഇപ്രകാരം യന്ത്രം വരച്ചുണ്ടാക്കുക.
''ഷഡ്‌ക്കോണമദ്ധ്യത്തില്‍ 'ഗം' എന്ന ഗണപതി മന്ത്രബീജവും അതിന്‌ ചുറ്റിലുമായി സാദ്ധ്യനാമവും ഷഡ്‌ക്കോണുകളില്‍ ഗണപതി ബീജം മാത്രവും ഷഡ്‌ക്കോണുകളുടെ സന്ധികളില്‍ (1) ഗാം ഹൃദയായ നമഃ, (2) ഗൗംശിര സേ സ്വാഹാ, (3) ഗും ശിഖാ യൈ വഷള്‍, (4) ഗൈം കവചായ ഹും, (5) ഗൌം നേത്രത്രായ വൌഷള്‍, (6) ഗഃ അസ്‌ത്രായഫള്‍'' എന്ന ഷഡംഗങ്ങളും അഷ്‌ടദളങ്ങളില്‍ ''ഓം ഐം ശ്രീം ഹ്രീം ഗ്ലൌം ഗണപതയേ മമ സര്‍വ്വകാര്യ സിദ്ധിം കുരുകുരു സ്വാഹാ''

എന്ന ക്ഷിപ്രഗണപതി മന്ത്രം മുമ്മൂന്ന്‌ അക്ഷരം വീതവും ദളകേസരങ്ങളില്‍ ഈരണ്ട്‌ അച്ചുകളും (അ, ആ എന്നു തുടങ്ങി അം, അഃ എന്നു കൂടിയ പതിനാറ്‌ അക്ഷരങ്ങള്‍) ആദ്യത്തെ വീഥിവൃത്തത്തില്‍ ''ഏകദംഷ്‌ട്രായ വിദ്‌മഹേ വക്രതുണ്ഡാ ധീ മഹി തന്നോ വിഘ്‌ന പ്രചേദയാത്‌'' എന്ന ഗണപതി ഗായത്രിയും രണ്ടാമത്തേതില്‍ ഹല്ലുകളും (ക, ഖ എന്നു തുടങ്ങി 'ള, ക്ഷ' എന്നു കൂടിയ മുപ്പത്തിയഞ്ച്‌ അക്ഷരങ്ങള്‍) ഭൂപുരകോണുകളില്‍ 'ഗം' എന്ന ഗണപതി ബീജവും എഴുതുക.

ഈ ക്ഷിപ്രഗണപതി വശീകരണയന്ത്രധാരണത്താല്‍ ആഗ്രഹങ്ങളെന്തോ അവയെല്ലാം താമസംവിനാ സാധ്യമാവുന്നതാണ്‌.
പ്രേമനൈരാശ്യത്താല്‍ മനോദുഃഖമനുഭവിക്കുന്ന കാമുകീകാമുകന്മാര്‍ ധരിക്കുന്നതായാല്‍ അവരുടെ മനോദുഃഖങ്ങളെല്ലാമകന്ന്‌ ഉദ്ദിഷ്‌ട ഫലപ്രാപ്‌തി പെട്ടെന്ന്‌ ലഭ്യമാകുന്നതാണ്‌. അതോടൊപ്പം ശരീരസൗന്ദര്യം വര്‍ദ്ധിക്കുകയും ലോകവശ്യം തന്നെ കരഗതമാകുന്നതുമാണ്‌.

(മന്ത്രങ്ങളും യന്ത്രവും അറിയാവുന്ന വിദഗ്‌ധരെക്കൊണ്ട്‌ എഴുതിക്കുകയോ അല്ലാത്തപക്ഷം സ്വയം പഠിച്ച്‌ ഗുരുവിന്റെ ഉപദേശത്തോടെ വിധിയാംവണ്ണം യന്ത്രം തയ്യാറാക്കി ധരിക്കുകയോ ചെയ്യുക).

രക്‌തഗണപതി ആകര്‍ഷണയന്ത്രം

മന്ത്രം:

''മദ്ധ്യേ വിഘ്‌നം ദശദളപുടേ
രക്‌ത വിഘ്‌നേശിതുസ്‌ത
ന്മന്ത്രസ്യാര്‍ണ്ണാന്‍ ജലനിധി
മിതാനാലിഖേത്സംവിഭജ്യ
തത്‌ബാഹ്യേ സ്യാത്‌ലിപി
പരിവൃതം ഭൂപുരസ്‌ഥം തദേത-
ദ്യന്തം നൃണാം സകരസുഖദം
വശ്യമാകൃഷ്‌ടി തം ച''

യന്ത്രം:

ഒരു വൃത്തം, ദശദളങ്ങള്‍ വീഥിവൃത്തം, ഭൂപുരം ഇപ്രകാരം യന്ത്രം വരയ്‌ക്കുക.
മന്ത്രങ്ങള്‍: ''വൃത്തമദ്ധ്യത്തില്‍ 'ഗം' എന്ന ഗണപതി മന്ത്രബീജവും ദശദളങ്ങളില്‍ ചുവടെ എഴുതുന്ന രക്‌തഗണപതി മന്ത്രം നന്നാല്‌ അക്ഷരങ്ങള്‍ വീതവും വീഥി വൃത്തത്തില്‍ മാതൃകാക്ഷരങ്ങളും ('അ ആ' എന്നാരംഭിച്ച്‌ 'ള, ക്ഷ' എന്നു കൂടിയ അമ്പത്തിയൊന്ന്‌ അക്ഷരങ്ങള്‍) എഴുതുക.

രക്‌തഗണപതി മന്ത്രം:
''ഓം ഹസ്‌തി മുഖായ ലംബോദരായ
രക്‌തമഹാത്മനേ ആം ക്രോം
ഹ്രീം ക്ലീം ഹ്രീം ഹും ഹും ഘെ
ഘെ രക്‌തകളേബരായ ദയാപരായ സ്വാഹാ''
(ഈ രക്‌തഗണപതിയന്ത്രം ധരിക്കുന്നവര്‍ക്ക്‌ സകലവിധ വശ്യങ്ങളും വശീകരണങ്ങളും ഉണ്ടാവുന്നതാണ്‌.)