ഓരോ ദിവസവും ഓരോ ഗ്രഹങ്ങൾക്ക് ഒരു പ്രത്യേക സമയത്ത് ആധിപത്യം കൽപ്പിച്ചുകൊടുത്തിട്ടുണ്ട്. ഇതിൽ രാഹുവിന് ആധിപത്യം വരുന്ന സമയമാണ് രാഹുകാലം. കലണ്ടറുകളിൽ രാഹുകാലം രേഖപ്പെടുത്തിയിട്ടുണ്ടാവും. എന്നാൽ ഉദയാസ്തമയങ്ങളിലെ വ്യത്യാസം മൂലം രാഹുകാലത്തിന്റെ ആരംഭവും അവസാനവും കലണ്ടറിലേതിൽ നിന്ന് ചെറിയതോതിൽ വ്യത്യാസപ്പെടാനിടയുണ്ട് എന്നറിയണം.
വിഷം, സർപ്പം, കാപട്യം, ചൊറി, ചിരങ്ങ്, വ്രണങ്ങൾ, കൈവിഷം തുടങ്ങി അശുഭകാരകത്വമാണ് രാഹുവിന് കൽപ്പിക്കപ്പെട്ടിരിക്കുന്നത്. അതുകൊണ്ടു തന്നെ ശുഭകാര്യങ്ങൾക്ക് രാഹുകാലം കൊള്ളില്ല എന്നാണ് വിശ്വാസം. എന്നാൽ കേരളീയ ജ്യോതിഷികളുടെ ഇടയിൽ ഒരു നൂറ്റാണ്ടു മുമ്പു വരെ യാത്രയ്‌ക്കൊഴികെ രാഹുകാലം നോക്കുന്ന പതിവ് അത്ര സജീവമായിരുന്നില്ല എന്നതാണ് സത്യം. കേളീയർ യാത്രാരംഭത്തിനു മാത്രമാണ് രാഹുകാലം പണ്ട് നോക്കിയിരുന്നത്.
രാഹുവിന് മോഷണത്തിന്റെ കാരകത്വം കൂടിയുള്ളതിനാൽ രാഹുകാലത്ത് യാത്രയ്ക്കിറങ്ങിയാൽ കൊള്ളയടിക്കപ്പെട്ടേക്കാം എന്നതിനാലാണ് ദൂരയാത്രകൾക്ക് രാഹുകാലം ഒഴിവാക്കിയിരുന്നത്.
No comments:
Post a Comment