ശ്രീ സുബ്രഹ്‌മണ്യ മാന്ത്രിക യന്ത്രം; ശത്രുവിനാശനത്തിനും സകലദുരിതങ്ങളിലും നിന്നുള്ള മോചനത്തിനും സങ്കടങ്ങളില്‍നിന്നും രക്ഷ നേടാനും കീര്‍ത്തിക്കും പദവിക്കും ധനപ്രാപ്‌തിക്കും സമൃദ്ധിയുണ്ടാകാനും വംശവര്‍ദ്ധനയ്‌ക്കും (സല്‍സന്താനഭാഗ്യം) ജ്‌ഞാനം വര്‍ദ്ധിക്കാനും എല്ലാം തന്നെ ഉത്തമം ആണ്‌.
ശകടയന്ത്രം. (ശത്രു നാടും ദേശവും നമ്മളെയും വിട്ട്‌ ദൂരേയ്‌ക്ക് പോകുന്നതിന്‌ സഹായിക്കുന്നു) ഈ യന്ത്രം വിധിയാം വണ്ണം സ്വര്‍ണ്ണത്തകിടിലോ, വെള്ളിത്തകിടിലോ എഴുതി കറുത്ത പുഷ്‌പങ്ങള്‍ കൊണ്ട്‌ ആരാധിച്ച്‌ ശത്രുവിന്റെ സാമീപം സ്‌ഥാപിക്കാന്‍ സാധിച്ചാല്‍ ശത്രു വിട്ടകലുന്നതാണ്‌.
പണ്ട്‌ യുദ്ധകാലത്ത്‌ മുഴക്കുന്ന പെരുമ്പറ, പടഹം, മദ്ദളം തുടങ്ങിയ വാദ്യോപകരണങ്ങളുടെ ഉള്ളില്‍ ഈ യന്ത്രം സ്‌ഥാപിക്കുമായിരുന്നു. അങ്ങനെയുള്ള വാദ്യോപകരണങ്ങളില്‍ നിന്ന്‌ പുറപ്പെടുന്ന ശബ്‌ദം ശ്രവിക്കുന്ന മാത്രയില്‍ തന്നെ ശത്രുക്കള്‍ ഭയപ്പെട്ട്‌ അകന്നുപോകുമായിരുന്നു. ഭവനത്തില്‍ ഈ യന്ത്രം സ്‌ഥാപിച്ചാല്‍ ശത്രുക്കള്‍ക്ക്‌ അങ്ങോട്ട്‌ പ്രവേശിക്കുവാനോ, ഉപദ്രവിക്കാനോ സാധിക്കില്ല.
മദന ഗോപാല മാന്ത്രിക ഏലസ്സ്‌
ഈ യന്ത്രം വിധിയാം വണ്ണം തയ്യാര്‍ ചെയ്‌ത് ധരിക്കുന്നവര്‍ക്ക്‌ അവരവര്‍ ഇഷ്‌ടപ്പെടുന്നവരെ ലഭിക്കുമെന്ന്‌ മാത്രമല്ല ഈ യന്ത്രം അതീവ വശ്യപ്രദമായതിനാല്‍ സകലമാന ആള്‍ക്കാരും സ്‌നേഹാദരത്തോടെ പെരുമാറുന്നവരും ആയിരിക്കും.
ആയതിനാല്‍ ഈ യന്ത്രം സ്വര്‍ണ്ണത്തിലോ, വെള്ളിയിലോ തയ്യാര്‍ ചെയ്‌ത് ധരിക്കുകയാണെങ്കില്‍ മനസ്സിനിഷ്‌ടപ്പെട്ട കന്യകയെ അഥവാ പുരുഷനെ അതായത്‌ പുരുഷന്‍ ധരിച്ചാല്‍ കന്യകെയും, കന്യക ധരിച്ചാല്‍ പുരുഷനെയും വശ്യപ്പെടുത്താന്‍ സാധിക്കുന്നതായിരിക്കും. സര്‍വ്വൈശ്വര്യപ്രദമായ ഈ യന്ത്രധാരണത്താല്‍ സകലവിധ നന്മകളും ലഭിക്കുന്നതായിരിക്കും.
ശ്രീ സുബ്രഹ്‌മണ്യ മാന്ത്രിക യന്ത്രം
(ശത്രുക്കളില്‍നിന്നും രക്ഷനേടുന്നതിന്‌)
ശ്രീ സുബ്രഹ്‌മണ്യദേവന്‍ ദേവ സേനാധിപതിയും അറിവിന്റെ മൂര്‍ത്തീഭാവവും, ഒപ്പം സര്‍വ്വശക്‌തനും കൂടിയാണ്‌. ഈ യന്ത്രം (ശ്രീ സുബ്രഹ്‌മണ്യ മാന്ത്രിക യന്ത്രം) സനല്‍കുമാര മഹര്‍ഷിയില്‍ നിന്ന്‌ ലഭ്യമായതും സര്‍വ്വദേവന്മാരും സ്‌തുതിച്ചിട്ടുള്ളതും ആകുന്നു.
മഹത്തായ ഈ യന്ത്രം ശത്രുവിനാശനത്തിനും സകലദുരിതങ്ങളിലും നിന്നുള്ള മോചനത്തിനും സങ്കടങ്ങളില്‍ നിന്നും രക്ഷ നേടാനും കീര്‍ത്തിക്കും പദവിക്കും ധനപ്രാപ്‌തിക്കും സമൃദ്ധിയുണ്ടാകാനും വംശവര്‍ദ്ധനയ്‌ക്കും (സല്‍സന്താനഭാഗ്യം) ജ്‌ഞാനം വര്‍ദ്ധിക്കാനും എല്ലാം തന്നെ ഉത്തമം ആണ്‌. സ്വര്‍ണ്ണത്തിലോ, വെള്ളിയിലോ ഈ യന്ത്രം തയ്യാര്‍ ചെയ്യാവുന്നതാണ്‌. ശ്രീ സുബ്രഹ്‌മണ്യ ദേവന്റെ പ്രധാന ദിവസങ്ങളില്‍ ഈ യന്ത്രം തയ്യാര്‍ ചെയ്യാവുന്നതാണ്‌.
അങ്ങനെ തയ്യാര്‍ ചെയ്യുന്ന യന്ത്രങ്ങള്‍ക്ക്‌ അതിവിശേഷമായ ശക്‌തിയുണ്ടായിരിക്കുന്നതും അത്‌ ധരിക്കുന്നവര്‍ക്ക്‌ കൂടിയ ഗുണഫലങ്ങള്‍ സിദ്ധിക്കുന്നതും ആണ്‌. അങ്ങനെയുള്ളവരുടെ ഭവനങ്ങളില്‍ അനിഷ്‌ടസംഭവങ്ങളൊന്നും തന്നെ സംഭവിക്കില്ല. മഹാവ്യാധികളോ, അപമൃത്യുവോ ഉണ്ടാകില്ല. ശത്രുക്കളില്‍നിന്ന്‌ സംരക്ഷണം ലഭിക്കുന്നതിന്‌ അതിവിശേഷമാണ്‌ ദേവസേനാധിപതിയുടെ ഈ സംരക്ഷണയന്ത്രം.
No comments:
Post a Comment