ആമേട ക്ഷേത്രം-എറണാകുളം

എറണാകുളം ജില്ലയിലെ ആമേടയില്‍ തൃപ്പൂണിത്തുറ വൈക്കം റൂട്ടില്‍ നടക്കാവ് ഭഗവതി ക്ഷേത്ര ത്തിനടുത്തുനിന്നും ഒരുകിലോമീറ്റര്‍ പടിഞ്ഞാറ് ഭാഗത്തായാണ്‌ ഈക്ഷേത്രം സ്ഥിതി ചെയ്യുന്നത് . സപ്ത മാതൃക്കളെ പ്രധാന പ്രതിഷ്ട്ടയായി പ്രതിഷ്ട്ടിച്ച അപൂര്‍വ ക്ഷേത്രങ്ങളില്‍ ഒന്നാണ് ഇത് . കിഴക്കോട്ട് ദര്‍ശനമായിട്ടുള്ള ഈക്ഷേത്രത്തില്‍ മൂന്ന് നടയുണ്ട് . മൂന്ന് നടയും എന്നും തുറക്കാറില്ല. സപ്തമാതൃക്ക ളോടൊപ്പം വടക്കോട്ട്‌ തിരിഞ്ഞ് വീരഭദ്രനും, തെക്കോട്ട്‌ ദര്‍ശനമായി ഗണപതിയും ഉണ്ട് .സപ്തമാതൃക്കളേക്കാള്‍ ഇവിടെ പ്രാധാന്യം വീരഭദ്രനാണ് .ഉപദേവതകള്‍ :നാഗരാജാവ് ,നാഗയക്ഷി, കാവില്‍ ഭഗവതി,കൂടാതെ തിരൂര്‍ വെട്ടത്തു നാട്ടിലെ മംഗലം ഗ്രാമത്തിലെ വിഷ്ണുവും ഉണ്ട് . മീനത്തിലെ ഉത്രം ആറാട്ടായി എട്ട് ദിവസത്തെ ഉത്സവമാണ് ഇവിടെ. ആറാട്ട്‌ ദിവസം രാവിലെ ഏഴ് മുതല്‍ പത്തുവരെക്ഷേത്രത്തിന്റെ മൂന്ന് നടയും തുറക്കും. കൂടാതെ വടക്ക് ഭാഗത്തുള്ള നട വൃശ്ചികം ഒന്നുമുതല്‍ നാല്‍പ്പത്തൊന്നു ദിവസം തുറക്കും. നാല്‍പ്പത്തൊന്നാം ദിവസം ഗുരുതി നടത്തും. അന്നും മൂന്ന് നടകളും തുറക്കും.മൂന്ന് പൂജയാണ് ഇവിടെ. ഇവിടുത്തെ താന്ത്രികവിധി പുലിയന്നൂര്‍ ഇല്ലക്കാര്‍ക്കാണ് .കേരളത്തിലെ പ്രധാന നാഗാരാധനാ കേന്ദ്രങ്ങളില്‍ ഒന്നുകൂടിയാണ് ഈക്ഷേത്രം.
 പരശുരാമന്‍ യാത്രാ മദ്ധ്യേ കൈതപ്പുഴക്കായലില്‍ എത്തുകയും ആമയുടെ പുറത്തു നിന്ന് കുളിക്കുന്ന ദേവസ്ത്രീ കളെയും അവരോടൊപ്പം ഉണ്ടായിരുന്ന നാഗകന്യകയെയുംആ കന്യകക്ക് കൂട്ടായി നാഗരാജാവിനെയും ഇവിടെ പ്രതിഷ്ട്ടിച്ചു എന്നാണ് ഐതിഹ്യം. തൃപ്പൂണിത്തുറ അമ്മത്തമ്പുരാന്‍ ,വടക്കേടത്ത് മന, തെക്കേടത്ത് മന, ചാത്തമംഗലംമന, എന്നീ മനക്കാരുടെ വകയായിരുന്നു ഈക്ഷേത്രം. തിരൂര്‍ വെട്ടത്തു നാട്ടിലെ മംഗലം നമ്പൂതിരി ഇവിടെവന്ന് ഭജനമിരുന്നു എന്നും അദ്ദേഹത്തിന്റെ ദൈവികത്വം കണ്ട്‌ ക്ഷേത്രം മംഗലം മനക്ക് നല്‍കി എന്നാണ് പഴമ. ഇപ്പോഴും മംഗലം ഇല്ലക്കാരാണ് ഇവിടുത്തെ പൂജ ചെയ്യുന്നത് .